لك سيدتى
عن الحب أتحدث
بقلم / شيماء عامر
لو دورنا فى حياتنا نلاقى نفسنا عباره عن عصير حب بيتحرك عالارض
ولو تعمقنا فى مشاكلنا نلاقى انها بسبب عدم وجود حب يعنى الحب محور حياة اى كائن عالارض
واذا وجدت زوجه عندها مشاكل فى حياتها ف أساسها بيكون عدم وجود حب أو موجود ومفيش ثقافة التعبير عن الحب سواء منها أو من زوجها
ومش بس الحب محور حياة الزوجين كمان محور حياة الآباء والأمهات كلمه بسيطه ولكن بتغير مجرى حياة ناس كتير أن وجد فعلا حب حقيقى
💟💟💓💓❤❤💟💟💕💕💔💔
الحب كلمة صغيرة بمعنى كبير تتجسد في فكر و قلب كل إنسان , فهو محور حياة الإنسان وبدون الحب لا يمكن للحياة أن تستمر أو تستقيم, والحب من أسمى وأصدق المشاعر التى يحملها الإنسان تجاه الآخر
وقال الشاعر
الحب فى الأرض بعض من تخيلنا
لو لم نجده عليها لاخترعناه
والمرأه بطبعها كائن حساس بتتغذى على الحب
استشعرى الحب الحقيقى واياكى تتسولى الحب
خلى عندك قرون استشعار تعرفى بيها المشاعر الحقيقيه من المشاعر المزيفه
الحب لعبة الست القويه بخلاف اللى بتعيش دور الضحيه وتستجدى زوجها يحبها فتفقد جاذبيتها وينفر منها زوجها
ف نصيحتى ليكى ف عيد الحب اذا عاوزه الناس كلها تحبك وبالأخص زوجك حبى نفسك الاول
بلاش تعيشى فى دايره مغلقه وتخلى زوجك أو حبيبك محور الدايره دى انتى بكده بتضغطى عليه وعلى نفسك والنتيجة صفر
اشتغلى على نفسك
فتنميها .. وتطوريها .. وتوزعي اهتماماتك ووقتك على جوانب حياتك بشكل يناسبك ويسعدك ويحقق ذاتك ، وما تخليش زوجك فقط محور حياتك حتى لا يختنق و تتحول علاقتك به لمطاردة وضغوط ، عندك جوانب كثيرة في حياتك تحتاج لوقتك وانجازاتك فيها هتسعدك وتشبعك وتزيدك ثقة وقوة شخصية".
ومن الجوانب المختلفة للحياة " أطفالك .. ثقافتك .. صحتك .. عملك .. عباداتك .. بيتك .. علاقاتك العائلية والاجتماعية .. هواياتك .. .. "، و كلما تطورتي وابدعتي وكنتي سعيدة مع ذاتك كل ماا زاد إعجابه بك ورغبته فيك
كلمه اخيره
مش لازم يوم محدد علشان نقول بحبك قولى دايما بحبك وعيشى وحب واستمتعى بحياتك وخلى مشاعرك دايما مشاعر شابه بلاش ننسى المشاعر الحلوه فى زحمة الحياه
ورده جميله ممكن تكون حمامة سلام
كلمة حلوه تقدر توصل أجمل احاسيس
ابتسامه كفيله باسعاد حبيبك واسعادك