صباح الخير
بقلم /شيماء عامر
في آخر الابحاث اللي اتنشرت عن أهم الأسباب اللي بتدفع المرأة للطلاق بعد آخر دراسة أشارت إلى إن ٧٠% من حالات الطلاق بترفعها الستات مش الرجالة.
وده طبقا للمركز القومي لإحصاءات الصحة.
- و اكتشفت حاجة غريبة هي إن الستات ممكن تطلق عشان أسباب كتير زي الخيانة، العنف الجسدي، قلة العمل والمال..
لكن المفاجأة ان مش دي أول ولا أهم الأسباب..
ستات كتير بتعيش في ظروف صعبة جدًا وتسامح وتكمل جوازها رغم المصايب المذكورة. ..
لكن اللي بيخليها فعلا تمشي ودون رجعة ودون ندم هو "الإهمال وفقدان القدرة على التواصل العاطفي".
- السبب رقم واحد فعلا كان إللي هو سماته "العنف الفكري والجسدي" بعدين "الحرمان العاطفي والإهمال". وبعدهم الاسباب التانية.. والمال جه الرقم ١٣ في قائمة الأسباب.
- الخلاصة الستات تتحمل معاك الجحيم الا انك تهملها، بتمشي لما تحس إنك واخدها for granted وبتتعامل معاها كأنها شئ مضمون..
فتبطل تغازل وتجامل.. تبطل تسمع. تبطل هدايا.. تبطل تفتكر مناسبات. . تبطل تحسسها إنها ذكية واستثنائية جميلة.. تبطل تعمل bond لغاية ما تحسسها إنها كم مهمل ملهاش لازمة فبتكرهك وماتغفرلكش بعدها.
- انا شوفت ان المرأة ممكن تغفر وتسامح لو لسة بتحب وحاسة بقيمتها.. لكنها مستحيل تغفر الإهمال لما يوصل اخر مداه. والمفيد فالموضوع ده ان الستات في الحالة دي بتفوق لنفسها ويظهر فيها جبروت غريب، فتهتم بنفسها، شغلها وتلاقيها نجحت ونورت....