"الزواج: رحلة التفاهم والذكاء العاطفي لتجنب الطلاق"
بقلم/SH. A
حتى ﻻ يكون زواجك على ورقة طلاق
يفترض أن كل زواج يبدأ بنية انه علاقة أبديه مافيهاش فكرة الطلاق..على اﻻقل فى البدايه لكن لو نشوف بعيون المتخصصين ممكن نلاقي أن بعض العﻻقات بتبدأ بالفعل لكن مفيش توافق وكتير بشوف زيجات اعرف إن مصيرها الفشل وغالبا مايحدث فعلا
المسألة مش تنبؤ وﻻ إحساس بقلبى وﻻ نوع من أنواع التشاؤم ولكن نظره واقعيه للشخصين ودراسة شكل العلاقات بعد فتره .
طبعا واكيد الخلاف فى الطباع أمر ممكن وحاصل ومحاوﻻت التقريب غالبا تحصل ،إما بفعل محاولة طرف للم اﻷمر أو من قبل اﻻهل أو حتى باﻻستعانه بالمتخصصين فى اﻻستشارات الزوجيه ...لكن ناس كثير جدا بيمضوا عمرهم ويضيعوه فى زواج لن ينجح
نسأل نفسنا سؤال مهم ...ليه فيه زواج ناجح ؟ وليه بيبدأ زواج كمشروع طلاق ؟ايه بجعل الزواج يبقى عمر ويكون سعيد وزواج يفشل وينهار؟
من الواضح جدا أن الزواج الناجح اللى موش بيؤدى لطلاق مش بالضروره بيكون الطرفين فيه أو أحدهم أكثر غنى أو أكثر ذكاء أو صحاب خبره نفسيه
بل الزواج الناجح هو اللى بيكون فيه ذكاء عاطفى والمصطلح ده أعتقد انه اصبح شائع ومعروف وربما لو تم تدريب الطفل مبكرا على الذكاء العاطفى لكان اﻻزواج يتعلموا ازاى يوصلوا السعاده لزوجاتهم وﻻ كانت الزوجه تدور على علم أنماط الشخصية ولما كانت تبذل لوحدها مجهود إسعاد الزوج ف بالنسبه للأزواج اذا كان عندهم ذكاء عاطفى وده منبعه منك انتى انك تفهمى اوﻻدك وتربيتهم على معرفة الذكاء العاطفى وصوﻻ لﻻحترام المتبادل وتفهم من اﻻزواج لرغبات اﻻخر....
الحقيقه ان الزواج مؤسسه تستحق أننا نبذل فيها الجهد ونتبنى افكار إيجابية تخلى المؤسسه دى تنجح
ليه؟ ليه أحاول وابذل جهد؟
ﻻنها مؤسسه بتخلق توازن للمرأه والرجل على حد سواء
وﻻنها نتاجها اﻻطفال....علشان كده هى تستحق أكثر من غيرها عناء المحاولة.
بكل أسف أن عدم بذل الجهد الحقيقى النابع من انك عاوزه التغيير والسعاده .وعدم أخذ العﻻقه على محمل الجد سببين يخلوا اﻻنفصال وارد جدا .
علشان كده معظم حاﻻت الطﻻق بتتم فى الفتره مابين الخمس والسبع سنوات اﻻولى ....ورؤيه البعض انه مادام صبر كل المده دى فده معناه أنه اتأكد أن ﻻ محاله من اﻻنفصال وان ﻻ بد من الطﻻق..بكل آسف الطﻻق يؤدى بعد مايحصل لحالة الم شديد عند الطرفين وقليل ماشفت حاﻻت طﻻق مافيهاش ندم من اﻻتنين ورؤيه لمفاهيم وقيم كانوا يتمنوا تكون موجوده بينهم تفاديا لفكرة الطﻻق...ولمنعه
والحقيقه أن الزواج يستحق جهد ﻻنقاذه من اﻻنهيار ﻻن الزواج موش بس بيؤدى ﻻستقرار نفسى وسﻻم ..ﻻ الزواج المستقر الجيد وده أثبتت الدراسات بيخلى اﻻنسان
أصح بدنيا ونفسيا والدراسات المقارنة بين العزاب والمنفصلين وبين المتزوجين أثبتت أن الزواج يجعلك أصح على كل المستويات ...مثﻻ فيه دراسات أثبتت أن المنفصلين والعزاب أكثر أصابه باﻻنفلوانزا.
وطبعا وبدون شك أن اﻻستمرار والبقاء فى زواج غير سعيد يزيد المرض ويبقى اﻻنسان فى حالة توتر عصبى وعقلى يؤدى ﻻمراض كتير
ف مادامت العزوبية مؤلمة والزواج التعيس مؤلم واﻻرتباط حاجه ..هيكون من الذكاء تﻻفى فكرة الطلاق
بقليل من التفهم واﻻحترام وفهم عادات اﻻخر السلبيه ومحاولة تغييرها أو التكيف معها والحقيقه أن معظم أسباب التعاسة واﻻختﻻف تكمن فى رغبة طرف ومحاوﻻته لتغيير الطرف اﻻخر وغالبا مش هيقدر انه يغيره واللى بيحصل أن اﻻتنين يعيشوا فى صراع نفسى شديد يؤدى إلى الم ثم انفصال...
علشان كده وعلشان الزواج مايكونش على ورقة طﻻق فالحل اﻻمثل هو حالة القبول واﻻحترام والتكيف والتركيز على النقط المشتركه
مع تمنياتى بالتوفيق