حياة شيخ صعيدى (إبراهيم رفعت)/شيفاتايمز

 

المرض الخبيث

✍🏻 اشــــــــــرف عبـــد الــعـــال

الفترة اللي فاتت الاورام الخبيثة انتشرت بشكل كبير ..و اورام القولون والشرج بشكل خاص

الوقاية مهمة جدا.... وان العادات الغذائية السيئة سبب رئيسي في انتشار أورام القولون بشكل كبير..

الملاحظات اللي جاية دي مهمة جدا جدا ليك ولاولادكم و لأهاليكم..

١- جوع كتير.. صوم .. الجسم بعد صيام مدة طويلة بياكل الخلايا الوحشة .. البحث ده خد نوبل السنة اللي فاتت..

٢- قل بسم الله الرحمن الرحيم قبل أي أكل او شرب

٣- قلل سكرك علي قد ما تقدر.. العادة خلتنا ننسي طعم الحاجة وبنشرب وبناكل سكر لأنه الخلايا السرطانية بتتغذي علي السكر

٤- حاول علي قدماتقدر ما تاكلش برة نهائيا ..اعمل اكل برة جوة البيت.. علي قد ماتقدر.

٥- كل فاكهة .. كل خضار كتير.. اغسلهم كويس بمياة والخل .

٦- إشرب مية نضيفة معدنية من شركة محترمة او فلتر كويس وتابع صيانته بإستمرار

٧- حاول علي قد ماتقدرو تقللو استخدام الميكروييف ...خلي اكلكم طازة احسن

٨- الزيت اللي تقلي بيه مرة ارمية.. وماتستخدمهوش تاني.. خليكيم كرمه مع اهل بيتكم ونفسكم. وبالله عليكم ماتحطوش البطاطس والطعمية المقلية علي ورق .. هاتو مناديل.

٩- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها

١٠- لو بتقدر تجري اجري لومش بتقدر امشي كتير.. روح جيم ..العب تمارين في البيت ..الحياة حركة

١١- نام كويس خالص.. نام كتير .. نام بدري.

١٢- متشربيش عصير معلب ابدا ..اعملو عصير فريش اشربوه انتو واولادكم .

١٣- بلاش مياة غازية بالله عليكم ..تخلص من العادة دي فورا .. مش هتستفيد حاجة وهتخسر كتير

١٤- ماتحطش الفتلة ولا الكيس بتاعهافي المية السخنة .. فضيها جوة المج وضيف عليها المية السخنة

١٥- اوعي تشرب حاجةسخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيك .. الموضوع منتشر جدا في القطر و المواصلات والمؤتمرات.

١٦- إشرب قهوة .. بلاش نسكافية..بلاش كريمر.. انت مش عارف تصنيعه ازاي.

١٧- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا

١٨- ماتحطيش المياة في الثلاجة في زجاجات بلاستيك .. حطيها في زجاج .. ولو مفيش اتأكدي ان رقم 5 مرسوم علي البلاستيك ..ده اكتر بلاستيك آمن

١٩- ابعدو عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..

هاتو لحمة من الجزار وخليه يفرمها ..انتو مش عارفين ايه اللي مستخبي جوا كل مكسبات الطعم دي.

٢٠- حاول ماتاكلوش  بعد المغرب اكلات ثقيلة .. الهضم الغذائي بيقل بالليل ..كل فاكهة .. كل زبادي .. كل جبنة قريش.

ختام.. احمي نفسك وعيلتك .. المرض وحش .. وحش جدا ..

إستمتع بالأكل والشرب.. بس كلو  اكل صحي وإشرب شراب صحي .

كيف تكونو أفضل...عافانا الله وإياكم من كل سوء