✍🏻د / رشــاضـاهر
حاسه بريحة الفراق
بتسكن روحي توجعني
وطول عمرك تحب غنايا
ولو غنيت هتسمعني
هتتحمل وجع اهاتي ف الموال
ترد بليل طويل قاسي
يودعني
إبعد أد ما تقدر
وطول حد السما وأكتر
أنا عارفة بكونلك إيه
يا ساكن جوه روح روحي
يا روح متعشقه ف روحي
يا روح دايما بتوجعني
تقول بيني وبينها بلاد
منا ساكنة ف كل بلادك
أنا نورك أنا زادك
بيني وبينك ملحمة
بيني وبينك كام سما
فوقها الملايكه بيرقصوا
بيني وبينك سيمفونية
وحضنك انت مسرح كبير
كل النغم ليه انحني