رحاب حبشي
انشب حريق هائل بمبنى سنترال رمسيس في مساء الاثنين بسبب ماس كهربائي في واحدة من غرف الأجهزة في الدور السابع بالمبنى وبسبب الحريق تم فصل التيار الكهربي بالكامل عن السنترال وبدأت فرق الإطفاء في إنها تطفي الحريق حتى صباح الثلاثاء
سنترال رمسيس هو مبنى تابع للشركة المصرية للاتصالات "WE"، وبيتم استخدامه كنقطة ربط أساسية في توزيع خدمات الاتصالات على معظم مناطق القاهرة الكبرى ووجه بحري.
فيه أجهزة السيرفرات، والمحولات، والسنترالات الرقمية، ووحدات الفايبر، وأنظمة التحكم، وقاعدة بيانات المشتركين، وأجهزة إنذار وتحكم في الشبكة القومية كلها.
هو العصب الرئيسي لخدمات الإنترنت الأرضي والموبايل، وفيه نقط ربط بتحول وتوجه الإنترنت لمعظم مستخدمين الخدمة في مصر مثل TE Data و Vodafone وOrange وEtisalat.
دا غير إنه نقطة عبور دولية لكابلات الإنترنت، يعني بعض الخطوط الدولية اللي بتمر من خلال مصر بيتم توجيهها لسنترال رمسيس وبعدين تتحول لباقي السنترالات الفرعية.
دا غير إنه بيغذي أنظمة الدفع الإليكتروني، والشبكات البنكية، والمحافظ الإليكترونية زي إنستاباي وأجهزة الـPOS في المحلات والبنوك.
وهو السنترال الأم لعدد من السنترالات الفرعية زي العباسية وشبرا والعتبة والزمالك وسنترالات في الجيزة ودا بيخليه لو حصل أي عطل فيه باقي السنترالات تتاثر تلقائيًا.
دا غير إنه بيغذي شبكات مرتبطة بمستشفيات ومراكز شرطة وإسعاف وجهات سيادية في الدولة.
أسفر الحريق عن ٤ ضحايا وهم :
المهندس محمد طلعت
المهندس احمد رجب
المهندس احمد الدرس
الأستاذ وائل مرزوق
و عدة مصابين ما بين حروق او مشاكل بالتنفس
كما تضرر تقريبًا 62% من مستخدمين شبكات التليفون المحمول في مصر حصل عندهم عطل في الشبكة، دا غير توقف النت والمحافظ الإليكترونية وإنستاباي ومكنات الـATM.