نورا عواجه
مدير مكتب الأقصر
الشاب العبقري عمر عثمان الذي يتكلم عليه العالم كله دلوقتي عشان كده وفي وسط كل التريندات اللي موجودة على السوشيال ميديا، تعالي إحنا ناخد تريند لوحدنا ونعمل عظمة علي الشاب المصري العبقري ده !!
اللي قدامكم ده الدكتور عمر عثمان أصغر مصري وعربي يحصل على شهادة الدكتوراه في الرياضيات من جامعة"duke" باريس، في سن 22 سنة بس ... تخيلوا
عمر عثمان، وهو في أولي إعدادي قدر يختبر نفسه في الجامعة الألمانية والأمريكية والقاهرة، بجانب دراسته في إعدادي !!!
عمر كان بيمتحن بس من غير ما يأخد درجات رسمية ولا شهادة، وبناء على نصيحة الدكتور أكرم مسعد أستاذ الرياضيات بالجامعة الأمريكية قدر عمر يسافر فرنسا وهو عنده 16 سنة بس
في البداية عمر واجهته صعوبة كبيرة في تعلم اللغة الفرنسية لأنه كان غير متقن التحدث بيها، وبرغم كدة قبلوه بعد تجاوزة الأربع إختبارات عن جدارة
بعد كده حصل على الماجستير وهو عنده 18 سنة وبعدها الدكتوراه وهو عندة 22 سنة رغم أنه لسه سنه صغير بس هناك الوضع مختلف أكيد والعباقرة بيتكسر ليهم كل القواعد ويتعمل ليهم قوانين تناسبهم
عمر مقدرش يحقق حلمة هنا لأن في بيروقراطية تمنعة أنة يدرس في أكثر من جامعة في وقت واحد بس قدر يحقق حلمه في مكان مناسب لية ولأحلامه
عمر هو يعتبر ثالث أصغر حاصل على شهادة الدكتوراه في العالم وأصغر مصري وعربي وأفريقي يحصل على شهادة أكاديمية من أعرق جامعة في فرنسا وخامس أفضل جامعة في العالم، بس هنا عشان التريندات ماشية غلط عزيزي المشاهد للأسف محدش سمع عنه حاجة !!
تحيا مصر بيكم يا شعب مصر العظيم