بقلمى/ Shaimaa Amer
ما تيجو ازاي نتعلم ازاي نعمل اسرة واول عضو في هذة الاسرة هو .... ميييييييييين
كان عندنا مرة كدا محاضرة اسمها اسباب الزواج ... المهم واحنا في المحاضرة دي الدكتور سأل سؤال
قال ايـــــــــــــــــه؟؟
قال انتو من امتبى بتبتدو تربو ولادكم ؟؟؟؟؟؟
اختكم عملت فيها بتفهم ... وقولت من فترة الحمل ... لأن الجنين بيتأثر بالحالة النفسية للأم ... ومن الشهر السابع بيبدأ يسمعها كمان
فاكرة نفسي فلحوسا بقى ومحصلتش
رد وقالنا من دلوقتي ..... عه .... دلوقت مين يا عم الحاج في ايه دلوقتي احنا في محاضرة انت هتهرج
قال من دلوقتي من اللحظة اللي بتكون فيها نفسك وفكرك عشان تختار او تختاري شريك حياتك ... لأن ده هيكون اب اولادك او ام
طب نعمل ايه طيب
قال اتعلموا تختارو صح عشان تعرفوا تربو صح عشان تجيبوا اطفال سليمة نفسيًا ... وتكونو اسرة سعيدة ... والاسرة هي النواة الاولى للمجتمع
حتقولو
ايه ده يعني منحبش والا ايه النظام
يعني مجوزش الانسان اللي بحلم بيه والا ايه
آه هي حياتنا مسؤلية ... والافضل تختاري انسان مناسب ليكي بجد عشان يساعدك على تحمل المسؤلية دي وعشان كمان يشيلك وقت ما تتعبي ... وانتي كمان تقومي بدورك وتشيليه وقت ما يتعب
عايزين تعرفوا ازاى
تعالو نتفق على حاجة مهمة جــــــــــــــــــــــــــدًا هي ايه
هي ان الزواج وسيلة .... ولــــــــــــــــــــــــــــــــــــيس هـــــــــــــــــــــــــدف
يعني إيه الكلام ده ؟؟؟؟؟؟؟؟؟؟؟؟
أصل للأسف في بنات كتيييييير اوي كل حلمها في الدنيا انها تتجوز عايش تجهز وتجيب حاجات وتشيلها عشان ايه .. عشان لما تتجوز
وبتتعلم الطبخ ليه ... عشان لما تتجوز
وبتحافظ على شكلها بس عشان تتجوز
او عايزة تتجوز عشان وصلت لسن الجواز وخايفة تعنس ويقولو ويعيدوا عليها
وبعد الجواز .... خلاص حققت الهدف المنشود ... تبقى تكسل وتبطل النشاط اللي كانت فيه ده
تبدأ تاخد بالها ان جوزها ... في عيوب مش قادرة تتعايش معاها
تلاقي نفسها مش عارفة تتعامل معاه
مش عارفة تتعامل مع حماتها
لـــــــــــــيه أصل هي ركزت على تحقيق الهدف بس ... الجواز وبس
ومفكرتش هو ايه الجواز ده بالضبط .....
طب حقيقي هو ايه الجواز
الجواز هو
اتنين اختارو يعيشوا باقي حياتهم مع بعض .. برباط مقدس ... وعقد قانوني مدى الحياة
اخدتولي بالكم من اتنين اختاروا دي ... اه اختاروا ... يعني مبني على اختيار
طب ازاي نختار هنتكلم عن الاختيار بس بعد ما نعرف فضل الزواج في الاسلام
[وَمِنْ آَيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً إِنَّ فِي ذَلِكَ لَآَيَاتٍ لِقَوْمٍ يَتَفَكَّرُونَ] {الرُّوم:21}
مودة ورحمة .... وسكن ... يعني حد يبقى رحيم بيكي وفي علاقة ود بينكم .... مش العجب اللي بنسمعه اليومين دول ومفيش داعي نجيب سيرة النكد هنا خالص
وقال تعالى { {وَاللّهُ جَعَلَ لَكُم مِّنْ أَنفُسِكُمْ أَزْوَاجًا وَجَعَلَ لَكُم مِّنْ أَزْوَاجِكُم بَنِينَ وَحَفَدَةً } سورة النحل 72
بنين وحفدة ... يعني الذرية ... وكلنا بنحب الاطفال طبعا
[وَالَّذِينَ هُمْ لِفُرُوجِهِمْ حَافِظُونَ] {المؤمنون:5} [إِلَّا عَلَى أَزْوَاجِهِمْ أوْ مَا مَلَكَتْ أَيْمَانُهُمْ فَإِنَّهُمْ غَيْرُ مَلُومِينَ] {المؤمنون:6}
يعني الزواج عفاف للأنسان ... وطبعا كلكم فاهمين النقطة دي مش محتاجين كلام كتير فيها يعني
ده جزء صغنون يعني عن فضل الزواج ومكانته في الاسلام .. في اكتر من كدا بس دي ادله بسيطة على حث الاسلام على الزواج
أسباب الزواج ... احنا خلاص عرفنا ان الزواج وسيلة نعيش بيها حياتنا مش هدف .... طب ليه بنجوز بقى
1. همشيها ان الحب هو السبب الاول
2. الاستقال عن الاسرة
3. طاعة لامر الوالدين ليس الا
4. الرغبة في بناء أسرة جديدة وانجاب اطفال
5. الوصول لسن الزواج
6. إكمال نصف الدين
7. اشباع للغرائز في اطار شرعي
8. بالنسبة للرجالة رغبة في انه يلاقي ذرية تشيل اسم عيلته يعني غرضه كله يحافظ على سلسال عيلته ....أصل النقطة دي بالذات مش عند البنات ... لسه لحد دلوقت في ناس بتفكر كدا
9. الاحتياج لشريك او ونس يعني بالبلدي كدا
البرمجة اللغوية العصبية
...... برمجعة لغوية ... يعني الكلام اللي احنا بنقوله وبنسمعه بيتبرمج جوانا .. على هيئة احلام واهداف ورغبات
ايوة يعني ايه اقولك انا يا ستي
عارفة الحواديت اللي كنا بنسمعها واحنا صغيرين ؟؟
اه عارفة الحواديت ... مالها دي كمان
كلللللللللللللللللنا سمعنا حدوتة سندريلا ... وحدوتة سنووايت ... الشاطر حسن صح .......... مش ده كلام اهو ... هي الحواديت ايه غير رغي
اهو الرغي ده هو المقصود بيه اللغة
كلنا بناء على كدا اتبرمجنا وبقينا نحلم .... بشاب محصلش ... امير كدا وفارس على حصان ابيض ... رااااااااااااااجل ... أمور ......... رومانسي ......... طموووح حاجة كدا محصلتش مفيهوش غلطة
بس الواقع بقى تلاقي ....
واحد اقرع واحول وعلى حمارة عارجة
صح ؟!!! .... جبنا الاحلام دي منين ... من البرمجة بتاعة الحواديت ... واللي جه الاعلام والافلام كملوهالنا بأشكال مقتبسة من قصص مش بتاعة مجتمعنا اصلا ولا بتاعة دينا ولا ليها علاقة بثقافتنا الشرقية ... ولا امكانيتنا المادية
فبقى في عندنا صرااااااااااااااع مابين الواقع ومبين الحلم الغير واقعي اصلا ... الصراع ده بينشأ منه بعيد عنكم مشاكل وخناقات فظييييييييييييعة بين الطرفين
وكل واحد بيحاول يغير الطرف التاني
طب ليه ما الغلط فيك انت الاول ............ هنخبط والا ايه
ايوة العيب عندك انتي كمان ..... اعدلي فكرك وحلمك وخليه على مقاس الواااااااااااااقع اللي احنا فيه على مقاس مجتمعنا وديننا وظروفنا الاقتصادية
بقلمى/ Shaimaa Amer