مهما الدنيا تكرهنا
بقلم /الشاعرسالم الرماش
بِنحلم على قدّ ما بنقدر
ومهما الدنيا تكرهنا
هنفضل فيها نتصبّر
بنرمي اليأس على ناحية
ومن أول أزمة عرفناها
الدنيا تملي تتجبّر
تسرقنا روحنا وتاخدنا
ونشيل الفرح على يدينا
والعين تشوف جبين مكتوب
فرح أو جرح راح يصيبنا
بنضحك للحزن ضحكة جنان
ومهما القلب ينام عشمان
يشوف الفرح مصاحبنا
وكرهانا دنيا الأحزان
نجري على بعض في الأزمة
ماهو السكوت ملوش لازمة
ولبعض نفتح الأحضان
بنعشق ونسافر مع التيار
والبسمة حكاية ليل ونهار
وعلى قد ما إحنا بنسهر
العين بتعزف نغم أوتار
فمش مهم تفرحنا
ولا وجع الدنيا يجرحنا
كفاية نعيش بالإحساس
والضمير ينام مسامحنا