أهمية السحور في رمضان سحورك في رمضان/شيفاتايمز
✏️ /رحمة أحمد نائب مدير مكتب قنا
رمضان
- الساعة بقت 3 مش هتتسحر ؟!
- لأ .. مليش نفس مش جعان .
- طيب كٌل أي حاجة خفيفة علشان تعرف تصوم ؟!
- لأ مليش مزاج أكل .
----
احيانًا التصرف ده بيكون بسبب إنك شايف انت السحور ده " أكلة " بسد بيها " جوع " الصيام فقط، مليش فيها أي نية تانية أو شايفها حتى عبادة ..
يعني مش شايف إن النبي صلى الله عليه وسلم قال :
" تَسَحَّرُوا فَإِنَّ فِي السَّحُورِ بَرَكَةً "
رواه البخاري
فـ السحور بركة، بركة في صحتك و عافيتك طول اليوم بسبب بركة أكلة السحور دي .
السحور مش روتين يومي، السحور عبادة لله، حتى لو كان فعلًا ملكش نفس كٌل حاجة خفيفة علشان أنت مش بتسد جوع بس، أنت بتعبد .