عايزين تعرفوا البرد هيخلص امتي؟؟ /شيفاتايمز
✍️ منى حسن _ مدير مكتب ادفو
مع دخول الشتاء والبرد القارس.... يتساءل الكثيرون ... متى يخلص البرد ؟؟!!
الفراعنة أجابوا عن هذا السؤال حيث أن أجدادنا في مصر القديمة اتكلموا عن البرد و سموا الفترة دي ب " أربعينية الشتاء " وهكتبهالكم بالتاريخ الميلادي عشان تعرفوها
٤٠ ليلة من ٢٥ ديسمبر ل ٢ فبراير ، متقسمين ل ٢٠ ليلة بيض و ٢٠ ليلة سود .
ال ٢٠ ليلة البيض متقسمين ل ١٠ ليالي كوالح من ٢٥ ديسمبر ل ٣ يناير ، و ١٠ ليالي طوالح من ٤ يناير ل ١٣ يناير ، أما ال ٢٠ ليلة السود متقسمين ل ١٠ ليالي موالح من ١٤ يناير ل ٢٣ يناير ، و الصوالح من ٢٤ يناير ل ٢ فبراير .
" في الليالي السود يفتح كل عود " جدودنا كانوا بيحبوا الليالي السود لان الدولة زراعية و دي الفترة اللي بتثبت فيها جذور الزرع في الأرض و يبدأ ينبت .
بعدين بيجي ١٠ ليالي اسمهم " العزازة " من ٢ فبراير ل ١١ فبراير الجو بيتقلب ما بين البرد و الدفا ، و بعدين ٣ ليالي اسمهم " قرة " برد قارص و آخرهم ١٤ فبراير و بكده ينتهي موسم البرد تماماً
حقا مصر جائت ثم كتب التاريخ .