إتعلم إزاى تدمج النظام النباتى بالحيوانى ( تجربة حقيقية)
كتبت / أية يوسف
علمونا كتير إن الحياة نظام واحد تمشى عليه وإن طريقة أكلنا أو اى رجيم بنعمله يبقى نظام واحد لكن مع الوقت إكتشفنا إن صحتك هتبقى أحسن لو عملتى ميكس بين نظامين وإستمتعتى بالفوايد الصحية وده اللى أقرته منظمة الصحة فى الخمس سنين الأخيرة .
نباتية ده شىء سىء :
إنتشر مؤخرا النظام النباتى بقوة فى العالم كله وبدأ يتبعه مجموعة كبيرة من الفنانين والبلوجرز ولكن كان دايما رد الناس اللى بتحب اللحوم على النظام ده إنه شىء سىء جدا وفيه حرمان , وعلى الرغم من ده أثبتت الأبحاث نجاح النظام النباتى فى تقليل الكوليسترول وتحسين صحة الأوعية الدموية أنه غنى بالخضروات والفواكهه مع الحبوب والبقول وإللى بتساعد القلب يشتغل كويس .
بتاكلى لحمة ده إنتى عدو الأرض :
إتعودنا من صغرنا على أكل اللحوم والدواجن ومشتقاتهم ولكن نظرة الشخص النباتى لأكلى اللحوم إنهم أعداء الأرض ومش بيرحموا الحيوان , لكن خلينا نكون متفقين إن أكل اللحوم الحمراء والدواجن ومشتقاتهم من الكبد والبيض والألبان بيمدوا الجسم بالمعادن المهمة والفيتامينات وعلى رأسهم فيتامين ب 12 ومعدن الحديد والزنك واللى ليهم دور هام فى عملية جسمنا الحيوية .
تجربة حقيقية من مريم
مريم بنت جامعية إسكندرانية كانت بتاكل كل الأكل الغلط اللى فى الدنيا والفاست و فود والسكريات بكثرة وكان وزنها زايد جدا ونفسيتها وحشة حتى مع إتباعها كل الرجيمات التقلدية كانت دايما تخينة ومش بتخس ده غير حبوب الوجه والإكتئاب المستمر , ولكن ده إتغير دلؤقتى .
سألت مريم بعد لما بقى عندها متابعين كتير جدا على الإنستجرام من كل دول العالم ومن كل الأعمار وانا منهم طبعا إزاى قدرتى تتغيرى وتخسى وتبقى مبسوطة ونشيطة وواثقة من نفسك ؟!
إجابتها كانت ببساطة إنها قررت فى يوم تاكل خضار وفاكهه وتشرب عصاير الخضار مع الفواكهه فى الخلاط وتبطل كافين وقهوة وأكل الشارع وتكتر أكثر من الحبوب والبقوليات .
وبتاخد كل سكريتها من الفواكهه وده غير فيها حاجات كتير غير الوزن لا كمان الثقة بالنفس والسعادة الداخلية .
ولما سألتها طيب لما بتخرجى بتعملى إيه فى مغريات الأكل قالت بتاخد معاها أكلها بره فى علبة أو بتشرب عصير فريش وفواكهه من محلات العصير اللى بقت كتير فى مصر ده غير السوبرماركت اللى بقى يبيع الفواكهه متقطعة جاهزة .
وكملت كلامها إن ده فرق معاها فى بشرتها وصحتها النفسية وقدرت بالتدريج تنقل تجربتها على السوشيال ميديا للبنات عشان الكل يستفيد ده غير تأكيدها على إن النظام المليان خضار وفواكهه بيضيع الإكتئاب بدون أدوية ولا أطباء .
سألت مريم هل إنتى ضد النظام الحيوانى واللحوم ؟
قالت لاء طبعا كل واحد ياكل بالرطيقة اللى يحبها ولكن الأهم ناكل خضار كتير وفواكهه وبقوليات عشان صحة جسمنا ومخنا .
مريم واحدة ناجحة فى حياتها وعندها تجربة سواء إتفقنا او إختلفنا فى طريقة الأكل المهم إنك تنجحى وتحققى شىء تفتخرى بيه وتريحى بالك .
الأثنين حلوين :
خلينا نتفق سوا إن النظام النباتى والحيوانى مهمين جدا مع بعض ولو بتحبى اللحوم بأشكالها كليها بس دايماً خلى فى يومك خضار وفواكهه وعصاير فريش ومتنسيش البقوليات والحبوب بإعتدال وكل حد بيتبع نظام مريحوا هو تمام ولكن هيبقى الأفضل هو نقل التجارب من الستات الناجحين عشان تتعلمى إن النجاح بسيط وإنك مش لوحدك ودايماً فى حد شبهك وبيعمل زيك