بقلم / شيماء عامر
خصائص عامة للمراهقة:
+ صعوبة التعبير.
+ مرحلة هدوء حركي وتعويض القوة في الحركة بالكلام.
+ حاجة ماسة إلى الاختلاء بنفسه - انطوائية وحساسية أحيانا مفرطة.
+ الميل إلى الفوضى وقلة الترتيب.
+ الميل إلى مصادقة من هم أكبر سنا.
+ الميل إلى المنافسات والتحديات.
طيب كأم ونموذج يحتذى به ازاى تاخدى بإيد ولادك ويطلع من المرحله دى شابه أو شاب عنده ثقه بنفسه ومجتمعه
تعالى اقولك
لازم يكون عندك تقدير لمشاعر المراهق، وتديله ثقه بنفسه بمدحه على اراؤه وعلى كل اللى بيعمله صح وتقومى كأم بتحسين بعض سلوكياته، وتستمعى إليه باهتمام عندما يتحدث، وتتناقشى معاه لما يحتاج انه يعرض عليكى موضوع خاص بيه او مشكله مدايقاه حتى وإن كانت تافهة، أو غريبة، علشان ده بيشجعه على احترام مشاعر الآخرين والتفكير والابتكار. ومادام وافقتى تسمعيه فمتتناقشيش معاه بعصبية.
- حسسي ابنك أنك بتحسى بما يشعر به وأنك موجوده علشان تساعديه إن احتاج للمساعدة، وأنك على استعداد لتقديم المساعدة إذا احتاج إليها.
- من الافضل انك تسيبيه بعد المناقشة يأخذ هو القرار في أي موضوع، هو مقتنع به حتى ولو كان ما مخالف لرأيك ووجهة نظرك ولرغبتك طبعا انتى ووالده ، لأن بكده بيكون أقل ضرر من انك تفرضى القرار عليه و يرفضه أو يقبل مجبر وماينفذش .
- يفضل انك تحددى دور للمراهق في البيت، علشان يشعر بأنه خلاص مبقاش صغير.
- لاااااازم إظهار مشاعر الحب والعطف ،واجب عليكى انتى ووالده اول ماتشوفوه تبتسموا وتظهر عليكم البشاشة له وقت رؤيته، وأنتى كأم وكعامل مطمئن بالنسبه لبنتك أو لابنك المراهق انك تسأليه عن أحواله، ونشكره على اى حاجه كويسه بيعملها وآراء، ونشاركه ألعابه وتهريجه .
- ماتتوقعيش أنك تتفقى مع ابنك في كل وقت وحاولى أنك تفهمى دوافعه، وسيبيه يختار، علشان يتعلم فن الاختيار والاستقلالية، وليتعلم أن يقع ويقف من جديد ودى نقطه مهمه جدا.
- إياك والسخرية أو الاستهزاء من ابنك او تخلى ابنك مادة للضحك وقت ما يتكلم في موضوع وسط مجموعة من الناس.
- ادفعى ابنك على العمل التطوعي وخدمة مجتمعه واستغلال وقته فيما يفيد عقله، إشغلى اوقات فراغه بأنشطة يحبها لاستنفاد الطاقات الانفعالية الزائدة عنده مثلا يلعب رياضه مناسبة زى السباحة او كرة القدم وركوب الخيل وتسهليله كل ده وانتى اللى تذللى العقبات ادام انه يتعلم اه انتى لو ست ناصحه تقولى انا اشترى ابنى واسحبه من رفيق سوء أو وقت فراغ يدمر أو ملل يخنقه لان الملل ملازم للمرحلة دى.
- ساعديه يحدد أهداف يسعى لتحقيقها في حياته، ليه النقطه دى
علشان يعرف ازاى يرتب وقته ويكون عنده دافع وهمة عالية ومايركزش فى التفاهات.
- نصيحه بئه مهمه جدا
ادى احترام تاخدى احترام
ازرعى أخلاق تحصدى أخلاق
لو أنك أظهرتى ليهم الاحترام فابالتبعيه هيتعلموا ازاى يظهروا الاحترام ..
وما تتوتريش ومتتعامليش على أساس انهم اطفال لأنهم أصبحوا بالغين. وحاولى قدر الإمكان تقضي وقت مع المراهق والوقت ده يكون بتلقائية وعاطفة، بحيث تشعريه بالصداقة وبالحب وبكده تكونى بتساعديه على اكتشاف المشاعر والأفكار ويعرف يعبر عن دواخله ويتداركها بطرق غير مباشرة.
- الحزم اللطيف، وهو أن يشعر بأنك حازمه معاه مع إشعاره بأنك بتحبيه والنقطة دى مش سهله فى الواقع إلا لو انتى ذكيه تقدرى تحققى المعادله.
- دايما فكرى ولادك ايه سبب وجودهم في الدنيا وهو عبادة الله تعظيما له وتوسلا لدخول جنته وأن الدنيا ماهى إلا امتحان وطريق للجنة .
- ادعيلهم بالهداية والتوفيق: قال سبحانه وتعالى: ﴿ وَقَالَ رَبُّكُمُ ادْعُونِي أَسْتَجِبْ لَكُمْ ﴾ (سورة غافر آية 60)، وقال - صلى الله عليه وسلم -: ) إن ربكم تبارك وتعالى حيي كريم يستحي من عبده إذا رفع يديه إليه أن يردهما صفرًا خائبتين
#Shaimaa_Amer