بقلم /شيماء عامر
ماتتجوزوش صغيرين .. أكبر غلطة ممكن تغلطيها في حق نفسك وفي حق اللي قدامك إنك تتجوزى صغيره سواء ولد أو بنت .. لا قراراتك بتبقى صح .. ولا تفكيرك بيبقى ناضج كفاية .. ولا إختيارك بيبقى مبني على أساس قوي كفاية .. 90% من اللي إتجوزوا صغيرين قدامي ندموا أشد الندم .. حسوا إنهم ماعاشوش حياتهم كفاية .. شالوا المسئولية بدري .. إختاروا غلط .. إنبهروا بفكرة الجواز والفستان والفرح والشقة بتاعتهم ومافكروش في اللي ورا ده كله .. دوروا على الحرية برة بيت أهاليهم فـ دخلوا سجن أكبر من اللي كانوا فيه .. لسة محتاجين حب ملتهب ورومانسية مفرطة وده طبعاً مابقاش موجود في علاقة الجواز اللي هم فيها لإن الفتور والروتين والتعود غلب .. ولو الجوازة فشلت فـ بيتحطوا في موقف إنهم لسة صغيرين في السن بس مش قادرين يعيشوا زي اللي في سنهم لإنهم مطلقين وممكن معاهم ولاد كمان .. كل واحد حر طبعاً وأدرى بنفسه وبظروفه .. بس لو إنتوا تحت الـ 25 فكروا بدل المرة ألف قبل ماتاخدوا الخطوة دي !
بقلم شيماء عامر