بقلم/
Shaimaa Amer
_ المية .. أو المياه 😂 ... اشربوا مية كتير يا جماعة .... اشربوا مية حتى لو مش عطشانين .... اشربوا مية و هتلاحظوا الفرق خلال 3 شهور بالكتير ... فقدان وزن بشكل صحي و بشرة نضرة و الصداع هيخف أو هيختفي ...
اشربوا قبل الشعور بالعطش لأنه بمجرد إحساسكم بالعطش، بتكون نسبة المياه في جسمكم انخفضت جدا وبشكل ملحوظ.
_ الناس اللي عندها "خمول" عام و مش عارفة سببه ... أو بتحاول تخس و بتعمل كل حاجة و مفيش نتيجة ... نحلل و نشوف نسبة vitamin D في أجسامنا ... لو قليل يبقى أنتى كده لقيتى الإجابة .... و هتشوفى الفرق لما تبدأى العلاج ....
_ المشي ... قلتها كتير و هقلها تاني و تالت .... اتمشوا .... اتمشوا .... اتمشوا ..... الحركة عامة أفضل ميت ألف مرة من القعدة .... الحركة حياة ..... الفرهدة حياة ...... السكون ملل و خنقة .....
_ اتكلموا .... اتكلموا كتير و خرجوا اللي جواكم بصوت عالي مع الناس اللي بتفهم ..... مرة و اتنين و ثلاثة في نفس الموضوع ..... أكيد هتوصلى لحاجة .... أبسطها أن الموضوع هيبطل يفرق و قيمته هتقل ..... المهم هتوصل لحاجة في الآخر .......
آخر حاجه هقولها انهارده شوفوا الفرق فى الصوره دى ست بريطانية صورت نفسها كتجربة عملتها عن أهمية الميه على البشرة، فكانت بتشرب حوالي ليتر في اليوم، وبعد شهر من شرب 3 ليتر من الميه في اليوم، ظهر الفرق واضح، فبشرتها نضرة أكثر، وشفاه ممتلئة وقلت نسبة التجاعيد.
Shaimaa Amer
ودمتم سالمين