خواطر رمضانية/ شيفاتايمز
تقدمها: لبني فضل مكتب نصر النوبة
قرب رمضان إحساس جميل
والحاج في البيت ينده ويقول ياناوي تصوم قوم أتسحر
ونقوم بفرحه وشوق وحنين
نخش ونطلع ، ونطلع ونخش نغسل الوش ونتسحر
ونستنا بشوق صوت التهليل و الآذان بأسمك يارب
ونصلي صلاتنا ونقول دعواتنا
لينا ولإخواتنا ونرحم أمواتنا
نستني المغرب وشمس الله تغيب
يا جو الأولاد يايمه وين جك الأبري وصحن البلحات
يا ود أصبر جاهز وقريب
ونشيل ونخط،ونخط ونشيل
يا ود أمشي ناديهم لي
أختك و أخوك و عمك و أبوك خليه قريب
وولاد الحي فرشو الفرشات في الشارع
طلعو الجيران أترصووو صفوف
سألو الحبان الحج عثمان كيف كان اليوم
وسألو كمان الحج عبده مالك ياحاج وشك مختوف
سمعنا الآذان وتبلا الجوف وحلاوة القعده
وصينيه الشاي و الجبنه والكيف ملهوف
وتفضل تعال ياود الخال إنتو ماضيوف
وأهو عدي اليوم خفيف و لطيف
العفو والعافية
تامين ولامين