عيدك في الجنة ياما/ شيفاتايمز
رثاء كنداكة النوبية لبني نصر الدين لامها
افتقدتك يا حليلك يمه بالجد افتقدتك
قبل أشهر من رحيلك فجأة المرض جاء هدا حيلك
وقفت الغصه في حلوقنا و الخلوق ندبت رحيلك
من شهور كان قلتي لينا يا وليداتي استعدوا
نترقب الجينا فجأه والمرض كيفن نصدو
قعدت أحسب في الشهور وإخواني بي جمبي يعدو
ومرت الأشهر سريع و إحنا قاعدين بي وراكي
نتمنا في لحظت شفاكي
وأذن آذان الصباح ودا الميعاد ساعه رحيلك
وفتي مننا ياحليلك والرحيل بالجد أذانا
ياحمانا وياضرانا مبتدانا ومنتهانا وضقنا كيف مر الأهانه
وهسي كيف حالك هناك
إنتي وأبوي والمعاك
والنساوين والرجال الكبار والصغار
كيف كمان حبوبه جارك وفي الرجال جدي وأبوي
وديما بسرح بي خيالي وأستعيد مرات حديثك
وكل سنواتنا الجميله وهسي مشتاق ومشتهيكي
أصلي منك وفيني كلك وأعفي كان قصرت فيكي
من طفولتي وفي شبابي وفي صبايا وفي أمومتي
وبسأل المولي الكريم يتوصي بيكي
ويسكنك في الجنه ديك وبكره حتما يوم بجيكي
عيدگ في الجنه