كتبت/مروةالبطل
لو جربتى الاسبراى ده هتبطلى تسألى عن اى وصفات
او خلطات مضروبه تانى للشعر بمكونات سهله وطريقه تحضير سريعه هنعالج شعرنا من التساقط وكمان بينبت الشعر
المكونات
معلقتين زعتر ناشف
معلقتين روز مارى ناشف(إكليل الجبل)
معلقه بذور الكتان
٦فصوص توم(لو فروه الراس بتتحسس منه استبدلوه بقرنفل لكن نتيجه التوم افضل )
طريقه التحضير
هناخد المكونات مع بعض ونحط عليهم كوبايه ونص مياه سخنه ونسيبهم منقوعين مع بعض كام ساعه
وبعدين نصفيه وناخد الاسبراى نحطه في بخاخ ونرش منه مرتين يوميا
وندلك فروه الراس بباطن صباع الايد
ونسيبه على شعرنا مش بيتغسل
ولازم يحفظ فى التلاجه الكميه دى تكفى اسبوع وياريت نعمله كل بالكتير يقعد اسبوع ونعمل غيره
ويمكن استخدامه للاطفال من سن ٥سنوات