✍🏻 دينا احمد مراد
النهاردة هاكلمكم عن حاله كتير مننا بيعيش فيها وبتكون سبب في معاناه
وهي الخوف
في ناس كتير جدا بتضيع من عمرها سنين في الخوف .
الخوف من انها حتي تاخد قرار في حياتها وأوقات كتير بتكون قرارات مسيريه
لان الخوف ده زي الشلل اللي بيصيب الجسم كله ومن ضمنه العقل بيعمل شلل دماغي الخوف كارثه بتدخل جواك تضعفك الخوف وهم أحنا بنصدقه ونعيش فيه وكأننا بندخل جوه صندوق من الخوف ونقعد جواه ونتفرج منه ع العالم واحنا منبهرين باللي بيعملوه وبنكون شايفين نفسنا مش هانقدر نعمل زيهم
( مبنعرفش ، مبنقدرش ) ودي الكلمات اللي الخوف بيوهمنا بيها طول الوقت وهو كله ف الاخر وهم
( الخوف وهم بيضعفنا )
انت بس محتاج تواجه نفسك وتعرف الخوف ده أساسه ايه هل هو سلوك ام مرض والحالتين ليهم حلول
واول مرحله لخطوه التغلب ع الخوف
وهي اهم مرحله
القرار :
بانك تقعد مع نفسك وتاخد قرار انك مش هتسمح للخوف يتغلب عليك وان ده وهم انا خلقته لنفسي علشان انا ضعيف ومش عندي ثقه بنفسي فانا مش هاكون ضعيف تاني وان مخاوفي هاخدها بعين الاعتبار ولكن مش هتوقفني
لما تكسر حاجز الخوف هاتكتشف أن الحياه بقي ليها قيمه وبقي ليك هدف عايش عشانه وبقي ليها شكل وطعم أحلي بكتيير من اللي كان جوه الصندوق
هاتكتشف ان بوكس الخوف اللي كنت عامله وعايش فيه ده مش أحسن حاجه وأن المعاناه بره الصندوق طعمها أحلي بكتير من المعاناه جواه علي الأقل المعاناه بره الصندوق انا بعاني وبعافر وبجازف بس ف كل خطوه من دوول بتطور ع عكس المعاناه جوه الصندوق انا فيه مبعملش حاجه غير اني بردو بعاني ومش بطور غير م الخوف لكن أي حاجه تانيه لا في الحالتين بعاني يبقي اعاني علشان قدي لحياتي قيمه واسمح لها ان كل يوم يكون فيها جديد ولا افضل مع معاناتي جوه الصندوق؟
يلا متضيعش وقت ف التفكير
اتحدي نفسك ... اتحدي الخوف
واعرف انك عمرك ماهاتكون جاهز لأي خطوة بتاخدها في حياتك بنسبه 100% فبلاش تضيع وقت وخد الريسك ولو الخطوه طلعت غلط فانت مخسرتش انت اتعلمت واستفدت من أخطاءك ومش هاتكررها
لو طلعت صح أنت الكسبان وده هايديك دافعه ويشجعك تاخد قرارات تاني بثقه
وصدقوني لو استسلمت وفتحت الباب للخوف اعرف انك مش هاتكون فتحته بس ليه ولكن فتحتله ومعاه عيلته ( الابتزاز ، الاستغلال ضعف ، ......)