✍🏻 رشـــا ضاهـــر
كات حلوة الحدوتة بجد
حسيتها ولأبعد حد
من أول رنة فيروز
لمحمد بياع الورد
كان حلو المطعم اياه
ولو اني شاكه ف ذكراه
خلاني أقولك أحكي لي
كام مرة قولت لها بحبك
وهديت لها أغنية أيه؟
ولو أكتر إحكي لي كمان
فجأة إتقلبت كل ملامحك
شاشة عرض وبالألوان
أنا شوفت الصواريخ ف الجو
فرحة وهيصة ف كل مكان
أنا شوفت الكاميرات بتصور
نجمة فوق سجادة كان
أنا شوفتها لبست فستاني
سلفتها حتي الفستان
كان نفسي اتخبي ف نفسي
من كسفة قلبي وياك
والحلم إتكسر ف دقيقة
وبتحكي وأنا مش سامعاك
فجأة ف لحظة ساد الصمت
وكأنك من حلمك فوقت
وأنا طبعا وبنظرة خبيثة
قمت ضحكت
تكيت علي مفاتيحك جدا
غيرت بسرعة الموضوع
ارتبكت فعلا نظراتك
حافظاك لما تكون مشتاق
وبتحكي كأنك ف سباق
بالنسبالي عدت ساعة
رغم إن أنت حكيت ف ثواني
إنت عارفني ف كل حياتي مركز أول
ينفع يعني أبقي ف حبك مركز تاني