حياة شيخ صعيدى (إبراهيم رفعت)/شيفاتايمز

✍🏻اشــــــــــرف عبدالعال

عارف يعني إيه في عز فرحتك بتخرجك  بعد أربع سنوات وحصولك علي مؤهلك العالي اللي هو كان حلم بالنسب لك بكالوريوس أعلام جامعة القاهرة 

تصاب بفقد القدره علي الكلام، يعني كلام بدون صوت وتذهب  للطبيب  لأخذ  العلاج و تقوم بعمل أشعة ومناظير حنجريه،  وبعد فترة من العلاج تظهر أعراض أكبر ويتم التحويل لأستشاري اوارم ثم  يتم الكشف عليك  وسحب عينة مُعينة وعمل تحاليل لتعلم بعد ذلك، أن  العينة إيجابية " cancer " علي الأحبال الصوتيه وأبتدي أخضع  لجرعات كيماوي وإشعاعي  وكل تعليمات الأطباء  عدم الكلام نهائيا 

في الوقت اللي انا عايش فيه حياتي بكل مافيها، من ذهاب إلى العمل والذهاب إلى  التمرين ما أنا مدرب كاراتيه  وعايش حياتي عادي برغم  شدة الألم والتعب الجسمي والنفسي والضغط العصبي، من شدة الألم وشدة الوجع بخبي دموعي وبكتمها جوايا عشان مضعفش وأضعف اللي حوليا في ناس أتخلت عني وفي ناس وقفت جمبي لكن اللي مسابنيش  ودايما معايا وجوايا وجمبي هو ربي، ونعم بالله.

وحتي لما أبتدي اتكلم يطلع الصوت بطريقة بيسخر منها بعض الناس وبتصعب فهمها  علي بعض الناس وبالتالي بتصعب عليا نفسي لكن كل ده وبقول الحمدلله والشكر لله علي كل حال

وثم يأتي العلاج و جلسات إشعاع كميائي وكمان جلسات تأهيل وتحسين نطق (جلسات تخاطب)

كل ده وأنا عايش حياتي بقوة وعزيمة وإسرار علي إني أخف وأتعافي من هذا المرض الذي أكرمني به رب العالمين لأختبار قوة الصبر والعزيمه والإيمان في الوقت اللي شغلك وعملك قائم علي الصوت والكلام، قاومت وتحديت نفسي قبل التعب والمرض وبفضل الله نجحت من التعافي من الورم الخبيث (السرطان)

وتم التعافي الحمدلله

عدم الكلام لمدة سنه و4 شهور احساس مؤلم جدااااا لكن الأجمل ثقتك بربك وحسن الظن بيه أنك حتخف وتتعافي وحترجع أحسن وأفضل من الأول لأن لكل هم كبير في رب كبير موجود يجبر بخاطرك لأن لازم يكون أخر الصبر جبر من الله سبحانه وتعالى.

الحكمه من هذا الكلام هو عدم الأستسلام للمرض وحاول عافر وخلي إيمانك وثقتك بربك أكبر من أي تعب أومرض  رغم كل ده أتجهت للكتابه الصحفيه وأنشاءت موقع متنوع لجميع المجالات.

النجاح مبيجيش من فراغ 

كافح أصبر ثق بنفسك أنك حتنجح طالما ثقتك وظنك بربك جواك أكبر من أي تعب وأي مرض ربك كبير.