رحاب حبشي
الحلم مش شرط عشان يتحقق يكون ف محل مكيف في مول تجارى فخم ، الحلم ممكن يكون في مكان أصغر و بتمويل أقل علي شرط نكون مبسوطين بتحقيق حلم بيساعدنا اننا نكمل و نعيش.. الحلم ممكن يكون عربيه
و في لفه على عربيات احلام شبابنا دردشنا ف كام سؤال
لقاءنا الاول كان مع
أمين أحمد
عربية برجر هامبرجيني
** شيف امين عرفني عنك اكتر؟
_انا اسمي امين أحمد أمين
٢٨ سنه
خريج كليه علوم دفعه ٢٠١٨
متزوج و عندى ب طفلين
شغال محاسب في شركة
** من محاسب ل شيف فازاى جت الفكرة و بدأت ازاى؟
_ بدأت معايا الفكره سنه ٢٠٢١
لما كنت ف القاهره
كانت ساعتها الفكره لسه طالعه تريند
كنت بالصدفه متواجد في القاهرة بسبب كنت مع والدتي لاجراء عمليه جراحيه في يوم اتمشي بالصدفه قعدنا علي كافيه ف لقيت عربية شكلها شيك جدا بتقدم برجر ع الفحم بطريقه مختلفه
ف قررت ليه مفيش حاجه زي كده في اسوان
ليه الثقافة دي متنتشرش في اسوان و بالفعل اخدت الخطوة في شهر 9 2023 و فتحت البايك
** السوشيال ساعدك في الترويج للعربيه او الاعلان عنها ؟
عمل فرق معاك اكتر ف جلب زباين زيادة يعنى ؟
_ السوشيال ميديا فعلا افادتني كتير جدا
الناس ( جنود مجهوله ورا النجاح لهم جميعا الاحترام) مقدرش انسي فضلهم معايا و أنهم ساعدوني ان فكرتي توصل لأكبر عدد من سكان اسوان
** عايزة اعرف اخر حاجه لو جالك شاب جديد و عايز يعمل مشروع زى مشروعك هتقوله ايه؟ هتنصحه بايه يعنى؟
_ هقف معاه
انصحوا ب كذا حاجه
١. الاهتمام بالنظافة جدا لان انت ف شارع
2. راعي ربنا ف الأسعار و دايما خلي مكسبك قليل بيع اكتر
3. اوعي تبخل ف الجوده اللي بتقدمها مهما عدت عليك ظروف
4. لو حبيت ترفع أسعار يبقي بشكل معقول و مناسب مع ارتفاع أسعار الخامات
5. اتقي الله و عامل ربنا في الناس اللي شغاله معاك
6. عامل الناس اللي شغاله معاك أنهم شغالين معاك مش عندك هتفرق كتير
و في بلادنا و البايكات ستات تثبت وجودها كوجود الرجال بالظبط.. حوارنا مع
هبه زهران
السن 43
حلو وحادق مع هبه زهران
** قوليلي بدأت ازاى؟
من فين الفكرة ؟
_ انا من زمان هاويه مطبخ و في فترة الطورزنا زادت فترة الحظر و عدم الخروج انصميت لاكاديميه كبيرة و درست هناك طهى الحلويات. بدا الامر بجروب ع الفيس عشان اشوف ردود افعال اللي ع حواليا ع الفكرة و كانت ايجابيه جدا ولما فكرت اخلى الفكرة ع ارض الواقع لقيت اسعار الايجارات عاليه جدل للمحلات فقررت تكون بايك
** السوشيال ساعدك ازاى؟؟
_ بالنسبه للسوشيال ميديا فادتني اه هي فادتني جدا طبعا لان انا الوقت اللي انا بدات فيه ما كانش فيه اي حاجه يعني تعتبر شغاله كنا وقتها حظر ما فيش خروج ما فيش دعايه بره ما فيش اعلان بره فكل تركيزي كله على السوشيال ميديا لان الناس كلها في الفتره دي كانت فترت الحظر
** **بتواجهى اى مشاكل و صعوبات ف التصاريح؟ و بتحلها ازاى؟
_يعني من المصاعب اللي انا بلقاها طبعا في الاجراءات يعني استخراج الاوراق الرسميه تاخد فترات فترات طويله جدا وبصعوبه جدا وفي الاخر يااختها يا ماخدتهاش
** بتحافظى علي اجراءات سلامه الغذاء ازاى؟
_ بالنسبه للسلامه الغذائيه او يعني احنا بنحاول نحافظ على نظافه المكان طبعا اول شيء تعقيم اول باول اشترينا غساله اطباق عشان خاطر برده تبقى في تعقيم الحاجات اللي احنا بنستخدمها لان طبعا افضل تعقيم هي هي غساله الاطباق الاسطح اللي احنا بنستخدمها طبعا دايما بالتعقيم على طول باستمرار يوميا بعد كده بتيجي للمنتجات نفسها او الخامات نفسها يعني الخضروات اللي بنجيبها لازم طبعا لازم نغسلها كويس جدا وتتنقع في مياه وخل والطيور دي ليها حوض لوحدها ما فيش حاجه ثاني بتتغسل معاه والحوض ده بيتعقم كويس جدا جدا هو والرخام اللي حواليه كله برده بالنسبه للي واقفين لازم طبعا لابسين حاجه على شعرهم غسيل الايدين بمعقم او مطهر ده شيء لازم على طول باستمرار والرضيات دبما تتمسح بمطهر
ثم لقاءنا مع الخلوق
طه محمد أبو عمار
عبدالله قنديل
اصحاب البايك ... او جريل
( الحديث مع الشيف طه
٤١ سنه)
** احكيلي كده ف الاول بدأت ازاى؟
و جاتلك من فين فكرة المشروع اصلا؟
_ انا شيف تجهيزات فاست فوود ( fast food)
وكنت مدير لسنتر كيتشن بيوزع ل٩ فروع بالمدينة المنورة ومحافظة بجوارها اسمها ينبع
الفكرة جت منها مع مساعدة شريكى أننا نصنع شغلنا بأيدينا ونظهره للناس فى موضوع الساندوتشات عن طريق التسوية على البايك
** السوشيال ساعدك و فادك اكتر في الترويج عن المشروع؟؟
_ طبعا الحمد لله كتير احنا دائماً بنقول لولا فضل الله ثم وقفت الأفاضل اللى نعرفه واللى ما نعرفهوش وشغل الميديا وانتشارنا من خلال الميديا ما كنا
** واجهت صعوبه ف تدريب فريقك ف الاول و التعامل معاهم حاليا؟
الشغل كفريق اصلا ده حلو؟
_ فالبداية كنا شغالين أنا وشريكى الشيف عبدالله بس لمدة ممكن طويلة تقريبا ٣ شهور ومع بداية شغلنا كنا الحمد لله مضغوطيين من شراء خامات وفتح وفرش المكان ولم الشغل بالليل والتصنيع
لكن بعد فترة استقرينا على مجموعة مؤدبة ومهذبة واحنا دايما مش بنبص على اللى بيفهم فى الشغل على قد احترام المواعيد والأدب مع العملاء
** في خطط لتوسيع البايك؟؟
_ طبعا فى تفكير فى ده لكن بيتطلب أمور كتيرة منها الاستاف والمعدات والمكان نفسه
لكن اسعار الايجار بقت غالية جدا ما تأكل عيش للاسف
و ف النهايه مش كل البايكات اكل و ساندوتشات وبس حوارى مع
محمود البلدي
مصطف نجيب
اصحاب عربيه/ مشروع كوستا كار
( الحديث للشيف محمود 29 سنه)
** بدأت ازاى؟
و جاتلك من فين فكرة المشروع ؟
_ الفكرة جاتني بعد الزواج المصاريف زادت بشكل ملحوظ وكنت محتاج حاجه تاني جمب وظيفتي من حكم دراستي ف القاهره كنت شوفت اكتر من نموذج زي اللي عندي ومن هنا جات الفكرة وربنا كرمنا وابتديت اسعي وجبت اول عربيه من اسكندريه كان فيها اكتر من مشكله ف ترخيص واشتريت واحده تانيه مرور أسوان
** بقالك كام سنه فاتح العربيه؟
_ سنه و 3 شهور
** بتواجه اى مشاكل ؟ و بتتغلب عليها ازاى؟
_ الكهربا الحمد لله اسعارها مرتفعه لكن انا عامل ممارسه وكل شهر بدفع ومنتظم ف الدفع
** في خطط لتكبير العربيه ؟
_ بجهز عربيه جديدة وهفتحها ف مكان تاني إنشاء الله
** و عايزة اعرف لو جالك شاب جديد و عايز يعمل مشروع زى مشروعك هتقوله ايه؟ او هتنصحه بايه يعنى؟
_ هنصحه بالسعي والاستمرار مهما كان السبب اي والعزيمه طبعا قبل اي شئ وبعد كده كل توفيق ربنا فوق كل حاجه
متتردش ف تحقيق حلمك بحجه الظروف صعبه او مش لاقي تمويل او المكان مش متوفر
اللى عنده حلم ... هيقدر يتغلب ع ظروفه